É moi difícil precisar tanto os comezos como os motivos polos que xorde o Entroido en Vilariño de Conso xa que non se atopa documentación nin publicacións que nos dean unha época ou período exacto onde situar os seus comezos. Algúns autores sitúan o comezo destas festas na Idade Media, sinalando que os disfraces teñen claramente un significado na cultura medieval. Outros, sinalan a orixe do entroido na época en que os romanos tendo en conta a forte romanización de Galicia e en particular no Concello .

Pero sen embargo os habitantes desta zona estamos convencidos de o entroido non era máis que rituais pagás que facían os castrexos para despedir o inverno e darlle a benvida a primavera, e con ela a fertilidade dos campos e colleitas, así como a das mulleres, o brotar das flores e dos froitos.

É pois o entroido de Vilariño de Conso un entroido tradicional de celebracións de rituais ancestrais, espectáculos de sons, danzas, foliadas e fariñadas. Todo nun ambiente de sorna e diversión.


 A Asociación “Xuntos polo Fulión” programou múltiples actividades para promocionar esta celebración no municipio de Vilariño de Conso. A programación iniciase o xoves día 1 até o 14 de Febreiro que rematará co Enterro da Sardiña. Os veciños e veciñas do lugar Conso conmemoran nestes días unha das celebracións máis ancestrais do lugar, este ano declarada Festa de Interese Turístico de Galicia.

O programa prevista para o Entroido 2019 , é o seguinte:

Xoves de Compadres

Este ano é o día 21 de Febreiro, pero nos, este ano, volvémolo celebrar o día 22 de Febreiro, para que podan vir os mozos que están fora. A colga do lardeiro será ás 20:00 horas e despois a cea dos homes en Vilariño.

Xoves de Comadres

Será o día 28 de Febreiro. O día 1 de Marzo, pola mañá os nenos e nenas do C.E.I.P. San Martiño e do P.A.I. de Vilariño se Conso, ensinarannos os seus disfraces no colexio, estades todos convidados! Ás 20:00 horas haberá unha ronda de Fulión polo pobo de Vilariño, colga da lardeira e a continuación, a cea de mulleres.

Sábado de Entroido. 2 de Marzo.

A partir das 19:00 horas, ronda de Fulións polas rúas de Vilariño de Conso. Ó remate, na praza do pobo, poderase degustar o tradicional “PORCO Ó ESPETO”. Estate puntual para mercar a túa entrada, son limitadas, só hai 350 é véndense a partir das 20:00 horas. As 22:00 horas terá lugar o Concurso de Disfraces e haberá festa a cargo da Gramola. Tamén teremos o Photocall de Entroido esperándovos para facer unhas fotos, que poderedes presentar para o Concurso de Photocall

Chegou o GRAN DÍA. DOMINGO GORDO. 3 de Marzo.

Ás 11:30 horas, na praza de Vilariño, terá lugar a lectura do pregón, a continuación, comezará o desfile de Fulións. As carrozas participantes neste desfile, sumaranse ó Concurso de Carrozas. Tamén teremos o Photocall de Entroido esperándovos para facer unhas fotos, que poderedes presentar para o Concurso de Photocall. Ao remate do desfile, ó redor das 14:30 horas, un ano máis, celebrarase a XXX Festa do Cabrito, no pavillón polideportivo. As entradas desta Festa, son limitadas, cun prezo de 15 euros por entrada, se é mercada antes do día 28 de Febreiro, e nos días posteriores será a 20 euros por entrada.

Tamén podedes mercar as entradas a través da entidade bancaria ABANCA ingresando o importe no número de conta: ES79 2080 0458 4130 4000 1852

As entradas vendidas pola entidade bancaria, recóllense nun stand que haberá na entrada do pavillón polideportivo ese día ás 14:00 horas.

Tamén están a venta nos seguintes puntos:

  • Carnicería Nogueira (A Rúa)
  • Tri-Sport (O Barco).
  • Supermercado Cernamouro, Panadería Guerra e Bar A Ponte (Vilariño de Conso).

Martes de Entroido. 5 de Marzo.

Queima dos lardeiros, ás 19:00 horas, na praza de Vilariño de Conso e última ronda de Fulión.

Mércores de Cinza. 6 de Marzo.

Remata o entroido co Enterro da Sardiña. Ás 20:00 horas recorrerase o pobo de Vilariño ca sardiña, a cal despois será incinerada no Toural e un ano máis, a continuación, celebrarase a sardiñada.

 

 


Deixamos todo o material relevante dispoñibel:

  • Cartel do Entroido [Ver[Descargar]
  • Tríptico informativo Entroido 2019 [Descargar]
  • Información sobre a venda entradas [Ver]

 E as bases dos concursos que se realizan durante todo o entroido:


Máis información e contacto:

  • No email: Este enderezo de correo está a ser protexido dos robots de correo lixo. Precisa activar o JavaScript para velo.
  • Nos teléfonos: 618 906 833 / 669 844 840